唔好睇佢咁有情調，又食法國菜，價錢一定很貴！錯喇！價錢相對來說，唔算太貴，話唒食法國菜，又有咁好環境，佢 set dinner ,有兩款： $238 ，三道菜（湯、主菜、甜品），$268 四道菜（頭盤、湯、主菜、甜品），另有一些套餐，大約五、六佰元兩位，二佰幾三佰，有咁既質素，比起啲風 X 堂，一個 dinner 都要佰幾元,值好多! 所以我先咁推介！
講番食物，都唔差，當然你唔可以同酒店水準比，但起碼你食到有 heart ，味道好，賣相亦晤求其!
我和朋友都要了四道菜，頭盤：鵝肝醬拼多士，鵝肝味濃，正！
湯：龍蝦湯，個湯比較稀，四道菜之中，略差！
主菜：我要了法式鴨，幾脆又唔乾身！
朋友要了羊，佢話都掂!
甜品：我要了焦糖澄蛋，好好味！聽人講呢度甜品好出名，我見隔離枱要心太軟，好似好掂！但呢款，要另加$25
朋友要雪糕芝士餅，佢話勁正！
我即時入了會，雖然要比$200 ，但送番$300 現金coupon , 兩張$50 for lunch , 兩張$100 for dinner , 兩個月之內用完，會員有九折，如果晩餐在八時前埋單，有八折，生日有蛋糕送，都 OK 架！
沒有留言:
張貼留言