六年班生涯

由細到大，阿妹既小學生涯，都比家姐過得比較輕鬆，雖然同一間學校，功課量應該差不多，但又唔知點解，阿妹真係做得快手，成日餘下很多悠閒時間。

不過，今年踏入六年班，情況就開始有所改變，阿妹學校功課，明顯多了，加上上次考呈分試，考得唔好，我集中火力要谷佢，所以一開學，就已經每晚同佢溫習，又要佢做額外練習，加上今年請多一位中文補習姐姐，教佢中文作文，每星期交一篇文比姐姐，佢忙了很多，而家佢既課外活動時間如下：
 
星期一 、二、五 4：30- 6：30 補習社

星期三 5：00 - 7：00 英文補習

星期四 4：00 - 5：00 公民數 6：00- 7：30 中文補習

星期六 11：00-12：30 藝術體操 2：30 - 4：30 英文補習

星期日 10：00 12：30 返教會 3：00 - 4；30 油畫班

真係一星期七日，日日 full 唒，原先我唔想佢星期日學油畫，但阿妹好想學，佢話日日都係補習，學油畫係興趣，既然佢都唔怕辛苦，咁就比佢學啦！ 加埋溫習，其實真正休息既時間真係唔多，唉！不過六年班生涯係咁架喇！呢一年係辛苦啲！努力啦！