資料準備

踏入十一月，好多中學都舉辦中一簡介會，方便家長和學生，到自己心儀既中學參觀及了解。基於有了家姐之前既經驗，有好多九龍城既學校都參觀過，所以我地對呢區既中學都有一定既認識，只是當年家姐時，我地集中參觀一、兩間自己喜愛既，而另外其他既，就好求其去看一看就算，結果，派去第三去願，就好徬徨，唔了解間中學，其實有參觀過，但冇用心聽，結果險些兒錯過了一間好中學。

有了經驗，今次就學精了，睇多幾間比較下，有些雖然唔會放第一、二志願，但放三、四、五位既都好重要，一定要清楚了解那些學校，萬一派到，都比較容易接受，所以，我建議喺自己嗰區既中學，起碼參觀七、八間中學， brand one , brand two 都睇啲，唔可以偏埋一邊，做多些資料搜集，到放榜當日，就算失手，都唔會太混亂！

好在今次係第二次，有了一次經驗，有好幾間中學，之前已經睇過，所以都唔會太忙。相反如果是第一次，有仔女升中，呢兩個月就忙爆了！