黑松露磨菇湯/ 忌廉磨菇湯

一直我都是湯怪，中西湯都愛。學了西餐後，知道煮湯原來好難，比起煮其他菜式更難做得好！ 呢個湯我都試過好多次失敗，先可以掌握到。

材料：咖啡菇一盒，牛油 ，麵粉，忌廉，清雞湯
 
做法： 如果要個湯 creamy , 我覺得一定要炒麵撈，牛油炒麵粉，要不斷攪，細火， 炒成麵撈，

熄火，等一陣，冇咁熱時，再加入雞湯,變成麵胡 一定要熄火，唔好太熱加雞湯，唔係會起粒粒，麵胡完成，備用。

1 磨菇切片，炒香備用。

2 雞湯略煮，慢慢加入麫胡，一路攪住，水滾收慢火煮10 分鐘 , 熄火，用隔離隔一至兩次，之後加磨菇

3 中火煲十分鐘，熄火，放攪拌機攪勻
4 再細火煲十分鐘
5 最後，加忌廉，攪勻，即成
   如果加少許黑松露油，更成黑松露磨菇湯

就是這枝黑松露油