復活節假期 - 順德、東莞三天遊-2013-Day 2

3月30 ( 星期六） 話明係 hea 團，11：30 先 check out , 朝早食完早餐，仲可以休息下先出發，又可以做下gym。

呢度啲 buffet 早餐都唔差喎!

 
今日得兩個影點，先去「碧江金樓」，一個古人故居參觀，家姐話最 like 呢個景點！

呢張相影到阿公阿婆，好似好多個女同孫咁，好大家族 ! haha!

 

影下相，逗留45分鐘，就去食午飯。
 
午餐後，就出發去東莞，大約個幾鐘車程就到，先參觀一個「東莞展覽館」，好在喺室內，當時下著大雨，係博物館一個，講下東莞歷史。

五點幾就返到酒店，今晚入住東莞嘉華大酒店，全間酒店金碧輝煌，我地住既房成600呎，超大！

 
晚餐在酒店食 buffet ,本來我地對呢餐期望好高，不過就有些失望，可能香港人和內地人，口味有所不同，雖然有生蠔、魚生，但我地覺得一般，甜品也嘛嘛！

我地反而覺得食團餐仲好味！ 好早就食完飯，於是 book 了按腳。

而家啲細路大唒，可以放心比佢地喺房玩，我地大人就去樓下鬆下！

由於太早食晚飯，我地今晚有宵夜食，一班人去旅行，通常都會食杯麵。