怪獸家長3 - 零感世代

好鍾意睇屈穎姸出既書，文章生動有趣，透過佢三個女日常生活，道出很多親子心得！每次睇佢既書，都好有共明，她舉既例子，經常在我家都發生過！
 
今日既新一代，人人都要「贏在起跑缐」，都要未學行先學走，在無知歲月裡博學，但長大後在博學歲月裡無知，生活上大小事情，都由家長安排，學歷係高，但生活技能很差，講得唔好聽，前面有金執，都懶得行前伸手去執，對身邊人和事，都沒反應，沒感覺，沒興趣，變成「零感世代」，多恐怖啊！作者又提到新一代人，抱住「認真，你就輸！」既做人態度，我地未來社會，仲有希望？
 
作為家長，在這個世代裡，不期然都有一些怪獸家長既行為，怪獸風氣，一年勁過一年，而家BB 未出世，家長就要去幼兒園，排定個位，如果等 BB 到兩歲時，就想讀都冇得讀，以前只有名校先會咁，而家就算普通屋村學校，都一樣要輪要排！

好欣賞作者對三個女，教導既理念，雖然有時都會有一點點怪獸上身，但最後仍是堅持自己既原則，讓三姊妹有個快樂既童年！
 
全書沒有大道理，也不說專家之言，只是透過真實例子，道出一些作者既感想，很多時佢既提醒，令我自我反思！
 
呢本書好值得推介比家長看呢！