唔捨得

記得一年前，我寫過一篇叫 "查家有女初長成"， 當時講家姐剛升上中學，踏入反叛期！
 
今日想寫篇関於妹妹，從少到大，我都覺得妹妹好bb,可能係細嗰個，會得寵些！我知咁講對家姐唔公平，不過，世界那有公平呢？這是我個人一份偏愛吧！或許家姐夠成熟，好多事都有自己一套想法，佢會為自己打算，相反，妹妹冇咩主見，雖然就來升中，但我仍覺得，她思想很細路，所以特別擔心！
 
其實，妹妹也踏入青春期，好快升上中學，我突然開始有些失落！之前，家姐升中後，我顧少一個，我覺得輕鬆很多，可以全心一意照顧妹妹，但而家連妹妹都好快獨立，我就開始擔心，九月後會好失落！我見我有些朋友，得一個小朋友，當仔女一升中，生活就開始悶了，以前個個星期六、日，學呢樣、嗰樣，又要溫書，仔女升上中學，樣樣靠自己，有自己生活、朋友，再不像以前，去到邊跟到邊，朋友們都好唔慣，不過，好快連我都要面對這問題呢！
 
以前聽人講，仔女大得快，都唔覺，心想：快啲大，快啲回復自由啦！點知，到了真係大時，又唔捨得！我算好彩，能在她們仍小時，轉了做全職媽媽，增加了和她們一起既時間，如果冇呢幾年，我估我會後悔！

 
近呢年，爸爸一出 trip ,我就和妹妹一齊瞓，好好珍惜佢仲肯和我一起瞓既日子！