又是填表時 - 妹妹篇

我相信家有六年班學生既家長，呢幾日都好頭痛，又係統一派位填表既日子。

感恩妹妹既成績，總算在預期之內，所以可以選一早決定了嗰兩間。其實，阿妹真係有些運，今日派第三次呈分試成績表，結果不是太好，不過佢笫二次考得好好，追到唔少，所以打混三次既成績唔算太差，仍可選 brand 1 既學校。
 
身邊有幾位朋友，仔仔都是應界六年級生，佢地成績冇咁好，要選 brand 2 學校，所以佢地好頭痕，brand 1 唔揀得， brand 2 學校又唔多，最驚去了 brand 3 ,真係好慘！我覺得升中既方法，對家長和小朋友，都是殘酷遊戲！
 
因為有家姐之前既經驗，所以今次揀校比較輕鬆！以下有少少心得，可以分享下：

1： 做足準備：要之前做定功課，去多幾間中學，聽簡介會，了解和比較下，但唔好只去 brand 1 學校聽，就算 brand 1 生，都要去一些 brand 2 校聽下，之後揀定五至六間作準備，因為要等到很後，才知道三次呈分試平均考出既名次，根據名次作最後選擇！有多幾間資料，隨時可應變。
 
2： 忌心多多：切忌心多，左揀右揀，心大心細冇方向，亦千萬不要到填表時，才改變之前一早揀定既學校，改為揀一些之前冇咩了解既學校，因咁短時間，作出改變，好易出錯！其實，一決定了，就不好隨便改變，除非老師覺得不適合，叫你改！

3： 忌貪心：人都是虛榮，貪名校就梗架啦！但太進取，有時害死自己，少少博可以，但一定要定保險線，就算成績多好，都唔好頭幾間全部係多人爭既學校，一間起，兩間止。
 
4： 做定心理調整：要接受寫得落去既學校，派得就要讀（起碼頭十間，一定要咁諗），一早有心理準備，會好些！
 
5： 不要寄望叩門： 叩門係一件很困難既事，得嗰一、兩個位，唔好諗喇！

以上是本人少少分享，唔係專家意見！ 希望大家都派到心儀中學啦！