紅垂雞冠
向日葵
星劍葉
無忘我
小紅棗
小米
洋天冬
龍文蘭
唐棉
紅、黃燈籠椒
本課以秋收作設計意念，用了一些果實，以黃色向日葵作主花，帶出秋天意味。
今次主要技巧係要將雲龍柳用魔帶編織成一排，包圍著向日葵既莖。
老師送了新年裝飾比我地，加了上去，即時有農曆新年氣氛。
老師作品
2016年1月29日 星期五
2016年1月26日 星期二
嚴寒的假日
天氣不似預期，以為今年冇冬天啦，點知一係唔凍，一凍嚇死你！上星期五開始既寒流，由星期五既十幾度，一路跌到星期日下午，市區溫度得三度，山頂零下六度，雖然未有落雪，但果日好多地方有冰雨，五十幾年第一次！
香港大部份地方都冇暖氣，所以呢度三、四度真係堅凍！
我係一個好鍾意冬天的人，好like寒寒凍凍既天氣，所以之前話今年冬天不冷，都有點失望！但突然間凍到咁，真係有點驚喜！
而家寫緊 blog既星期二晚，都係得8.8度，已經叫暖番，這個寒流超勁！
星期六氣溫急降，由朝早十度，下午一路跌到七、八度，我一早約了一班中學同學姊妹飲茶，由十二點坐到三點幾，傾下講下吹吹水，好開心！即刻溫暖唒！
果晚一早約了去Eva家 house warming,雖然咁凍，但冇打邊爐，Eva整了海南雞飯拼冬瓜湯加雞油飯，我再買些海鮮，一齊煮一齊吃，在室內超溫暖，不過，出面天氣一路跌到五度！
低處未算低，星期日起身，收到好多 whatapp, 嘩！原來大家都話屋企好凍，我家也只有3.8度，傻了，凍到好似日本韓國咁。
因為妹要去沙田補習，佢又不想咁冷自己一個去，結果成家陪佢入沙田，以為咁凍冇人出街，點知成個商場都係人，人頭湧湧去 shopping, 天氣冷振興經濟呢！
我地都買到嘢呀！
四點幾回家休息下，天氣都係三、四度，在家隻手都係冰，咁凍唔想煮飯，於是七點幾又出去食韓燒！
就係咁，兩天超級寒冷的假日又過去了！唔知新年會不會再凍呢？
2016年1月22日 星期五
ERB 再培訓課程 -花藝設計及應用 I & II
1月18 -22 日
呢個星期好忙，又返ERB既花堂，今次上花藝設計II,一連五天都上9-1:00
其實再培圳局（ERB)花藝課程，都幾有用，雖然我學開插花，但之前學的都係著重技術既練習，從沒真正的上過理論課程，係呀！插花都有理論架！我係真心想放心機在這方面上，所以都希望認識多啲！
初初我以為我都學了年幾，學番啲咁基本既課程，應該好易啦！點之我太自大了，我既基本技巧，可能比一些未學過的，插出來的更差呢！我只是比她們早些了解啲工具，名稱吧了！所以，學習是無止境的！
因之前學習初級基本時，是大班人教授，又只能看示範，回家做功課，好多基本技巧，未掌握得好，所以，而家學番初級既嘢，對我重好，除了重溫，我還可多了實習機會，打好個底，好有用。
ERB總共有七個花藝班，我希望逐一上唒吧！
至於一些好有用的基本技巧，我會用之後幾篇 blog講下插法，幫助記憶。
花 I 的作品
花 I I的作品
2016年1月14日 星期四
中班 - B1- 鮮花花球班
繼續追番之前既花堂課程，來到中級既第一階段，是專學結婚花飾如：花球、襟花、頭花、花車裝飾等，15堂
B1其實好難，好多手作手功要做，每次上堂做到死死下，上諌時間由之前工會個半小時，變為三小時，而且以前是看完老師示範，回家做功課，中班就要即場完成後先可放學，都比較趕和辛苦。
B1其實好難，好多手作手功要做，每次上堂做到死死下，上諌時間由之前工會個半小時，變為三小時，而且以前是看完老師示範，回家做功課，中班就要即場完成後先可放學，都比較趕和辛苦。
不過，遇難愈強，正因我手作差，我更加努力，雖然效果不是很好，但盡了力，而且以我來說，做到有五、六成，算好好了！更加因為B1,令我更確定自己會繼續學下去！
襟花
手腕花
手腕花
花球
手挷花束
手挷花束
小型棒花
花車裝飾
2016年1月13日 星期三
學插花歷程
講下我學插花既歷程，由2014年5月起，我參加了工聯會和美國花藝學院辦既花藝學院C級文憑課程，分 part I ， part II , part III 三階段，共45小時，差不多上了九個月。
初初諗住試下，看自己有冇興趣先，而且我是一個不善手作仔手功既人，學插花講求細緻，耐性，對我來說是一大挑戰！
慢慢學上去 ,覺得幾好玩，而且愈來愈愛上花，看見插好的一盆花，好大滿足感！看見美麗既花，心情都好啲！
到了15年3月，開始上中級課程，上堂不在工聯會，轉了去喬林社，中級分四期， B1-B4,共上147小時，估計要上完大約要年半時間，我而家上緊B3, 仲有排上。
去到高級，分三期， A1-A3, 共30小時，讀完後，可參加在台灣舉行既高級教授文憑檢定試，考試前還要修畢三個月共30小時既備試課程，先可赴台考試。合格後就獲發美國花藝學院師範文憑了！
條路仲有好長，不過我會比心機的，希望真係學到一門手藝，可以考到些認可資格，算係有個人生目標！我希望可以成為一個花藝師，這是我以前從來沒想過會想做的！
2016年1月12日 星期二
B3課程-2
講過16年想寫多些関於插花上堂既記錄，就由今天開始，之前果啲希望，慢慢可追番。
來到B3既第二堂，今日講鮮果與鮮花
設計構思：從一個鍋型盆引發創作𩆜感，盆的中心可擺放水果，周邊點綴上鮮花。擺在廚房或餐桌頗為有趣。
老師的
這堂要先在家裡做家課，用蘆韋草沿碟型花器扎一架構，以作插花支持點。
又係一心機手作仔嘢，在家做了差不多三粒鐘，自己一向手作仔麻麻，
上面是我的，下面是老師的
第一次做，算似啦！（自我陶醉）
第一次做，算似啦！（自我陶醉）
由於最難部份已經完成，上堂時只是在旁加花就可，很快完成！
今次用了青青、黃黃加白系列，幾fresh!有啲泰feel！
都幾得意的組合，農曆新年，可試下用啲紅色既花，加些紅系既生果，作擺設也不錯！
2016年1月7日 星期四
大嶼山一天遊
秘密花園第一篇，是遊記。不是什麼出國旅行，只是昨天去了大嶼山一日，去了大澳閒遊了幾個鐘。
朋友們相約放假入大嶼山兩日一夜 camp,朋友 book了公司在大嶼山渡假屋，佢地星期一下午就入去了，我因為查生出 trip,所以要留在家，所以不能來過夜，於是，昨天早上一早，就入來 join她們玩一天。
相約十點在大澳巴士站等，原來而家去大澳也很方便，我先撘地鐡去東涌，再在東湧撘11號巴士去大澳（總站下車），車程大約45分鐘，唔駛好似以前又撘船，又撘車咁煩！
大約十點到達大澳，朋友們已在巴士站等緊我，她們住在梅窩，也是坐巴士來會合我的。
我們在大澳週圍行遊，行手信街，邊行邊買地道小吃食，昨天天氣好好，又週圍拍照，行去大澳警局酒店、棚屋等影相，啲景好靚！
大澳比人感覺好寜靜，我第一次來，我覺得人少少，好舒服！
不經不覺，行了四個幾鐘，我都慢慢行，一點也不辛苦，兩點半撘車回梅窩渡假屋。
回到屋三點幾， hea下休息下看看電視，五點開始 BBQ
四個人BBQ慢慢燒，好正！
燒到八點幾執嘢走，撘九點半班車回東涌，一日遊結束了！
我地四個都玩得好開心，其實，香港有好多地方都好值得去，放假也不一定要外遊，這種兩日一夜本地 camp也不錯，希望下次可以來埋過夜，就更正！
2016年1月5日 星期二
新 Blog名：查太的秘密花園
2016年，新的一年，新的改變！自從2007在yahoo開始寫 blog,到現在都有8年，踏入第九個年頭，想攪攪新意思。
由做全職媽媽那年閞始，就開始寫 blog,想記底下兩姊妹的成長片段，生活事情，或者自己一些心情，希望將來可看回作一個留念。沒有刻意經營，不是天天update,所以也不是什麼人氣 blogger,個 blog冇咩人看，都係自己用來回味居多！
不經不覺寫了咁多年，有時睇番都好開心！隨著兩姊妹長大，她們都不想我寫太多佢地，她們亦有自己的生活，這個開始屬於我自己了，呢幾年我變化很大，由從前的OL,變了C9,但我不比自己 out, keep 住進修，學西餐、學插花，人亦變得有耐性了，冇以前咁急性子，不知怎樣，以前做手作仔一向不濟和沒有太多藝術細胞的我，卻愛上了煮西餐，插花，兩樣嘢都需要有藝術 sense的，尤其後者，但我卻喜愛極了！
不經不覺寫了咁多年，有時睇番都好開心！隨著兩姊妹長大，她們都不想我寫太多佢地，她們亦有自己的生活，這個開始屬於我自己了，呢幾年我變化很大，由從前的OL,變了C9,但我不比自己 out, keep 住進修，學西餐、學插花，人亦變得有耐性了，冇以前咁急性子，不知怎樣，以前做手作仔一向不濟和沒有太多藝術細胞的我，卻愛上了煮西餐，插花，兩樣嘢都需要有藝術 sense的，尤其後者，但我卻喜愛極了！
改了個新 blog 名為秘密花園，希望這裡是我的小天地，亦因為愛花，希望在此分享我學插花既過程，坊間有好多 blog 分享煮嘢食，但我就發現好少分享插花既 blog,所以我想試下用文字，記底學習其間既事，亦希望試下找下喜愛插花的 blog友仔交流下，15年好懶，寫了50篇，但願今年勤力些，在這個小小的秘密花園，分享更多呢！
2016年1月4日 星期一
2015回顧
每年年尾,終會回顧下一年發生的事。
年年都話平平淡淡冇咩特別啦!原來平平淡淡就是幸福了!
2015年, 並不平淡,好壞參半,先苦後甜,今年令我面對了很多事,明白了好多,亦學懂了很多！好感謝主為我安排了的一切,靠著這力量,令我跨過難關!
今年,聽了太多生病的消息,包括自己家人,作為病人家屬，深深明白等待治療的無奈，亦明白一家人只要健康齊整，已經是最大的幸福！好感恩，之後的發展都是正面的！
2015, 也有很多快樂事,有一大班朋友在我面對困難時，大力既支持，實在令我感動,令我更加感恩和珍惜!
尋回失聯多年的中學同學，是今年最大的成就！成功攪過兩次大型聚會，實在太開心，可惜還未試過齊人，16年要齊人出來一次啊！
記得讀書時，我好低調，不愛做咩長，物長，點知長大了，而家總是做聚會攪手，人大了，好珍惜興朋友家人聚會，咁，點都要有個人出來做聯絡，我又冇做嘢，冇所謂啦！雖然有時攪聚會都幾累，但見到大家玩得又食得開心，我就好有滿足感！所以我而家也很樂意做班長呢！
今年，上了一個ERB（再培訓課程）的婚禮統籌課程，為期個半月，好耐冇返過工，要返番9-6，真是有點吃力，加上課程進行中時，公公生病，奶奶又入院，好多好多問題，一齊出現，幸好一一解決，完成課程。雖然，課程不是太實用，但又令我認識一班新同學仔，又認識到一些新知識，不錯呀！加上知道了ERB有很多課程岩我，16年都會再充實自己。
原來打算今年，可能找份part time 做下，點知公公有事，要陪他覆診、化療，都比較忙，所以未有實行，而且，今年發生既事，令我更清楚自己將來想點，所以會全力向插花方面學習！
2016, 希望一家人齊齊整、身體健康,朋友們,大家開開心心,平平淡淡的過日子,就是幸福!
2015,慶幸有你們陪着我!多謝!
訂閱：
文章 (Atom)