迎接2014

忙了差不多兩星期，今日係13 年最後一天，回望這一年，都是平平靜、無驚無險，這樣已非常感恩了！期望14 年也繼續平平靜靜，安安穩穩，就已心滿意足了！

忙..... 不了！

自從開始學西餐後，每年聖誕、新年其間，就會煮過不停，大攪派對歡樂一番！雖然，之前要做好多準備，係辛苦架！但見到一班朋友食得開心，我就更開心呢！

今年有四個 party , 23, 25, 28& 1/1 , 呢幾日已開始準備，今年仲學埋整薑餅人曲奇，除了超市入貨，仲要去烘焙店，原來聖誕前，真係好多人，又要去買製飾佈置屋企，買交換既禮物和聖誕禮物，真是忙過不停！

其實，開派對前，先要訂了每個派對當日既 Menu , 好似今次咁，四個派對四班人，有不同要求和需要，我不想四天食物一樣，又不想重複太多之前整過既，每個 party , 總有一些新野，由今次起，我會用薄記底每次 party 既 menu 和參與人物，咁之後可以參考番呢！

我通常會參考下煮食書，或之前學煮既 note , 跟住計算食物烹調既方法和時間，作出決定，配撘好菜單，之後就要列出購買清單，有些食材要去特別地方買，要早些預備。

如果，派對係大家夾錢的，購物回來，仲要 keep 好所有單， 計番條數，到時最後容易計算！

所以，由今個星期，到下星期，都是忙......過不停呢！

又到聖誕，又到聖誕......

天氣開始凍，聖誕既氣氛也濃了！

上星期六，去了Mo Mo 屋企，學整聖誕屋和薑餅人曲奇，原本只預了兩間屋比兩姊妹學，但 Mo Mo 買多一間作後備，咁果間就比了我試！

經過 Mo Mo 適心指導，估不到我都整到呢！

我既

兩姊妹既

 

 

 

 

而今個星期超忙，要開始買禮物、派對既食物，今年會攪四個 party,  23, 25,28 & 1/1 。每年聖誕都好忙，但又忙得好開心呢！

今年識得去深水埗買聖誕飾物，呢度又平又多款！買了一堆！

而家屋企好有氣氛喇！

優雅生活計劃 - 書

雜物中，我擁有得最多是書，我一向喜歡看書，又愛買書、儲書，儲埋一大堆書，近年，愛上煮食，就更加多了食譜。

經過一番爭扎，今次就狠心地，賣得就賣，捐得就捐，有些冇辨法，也捨不得忍心的掉了！不過想深一層，有幾多會重讀，如果為了不讀的書而占去空間，是很浪費的！

我只有這書櫃，在有限既空間，我只 keep 了一些有用既烹任書和食譜 note ，其他有用或會重看既書，善用了這個空間。

另外，我一向有儲張小孄小說，我係不時會重看的，但數量很多，只好將它們入盒，在衣櫃找一處安放它們。

今次大清洗後，我以後會盡量去圖書館借書，或要很謹慎地買書，不要像以往一般，隨便亂買呢！

焗豬排飯

一直好想挑戰呢個焗豬排飯，一個看似好簡單，但其實係好複雜架！記得N年前有套白玫瑰，套戲講男女主角，好鍾意煮焗豬扒飯，不斷鑽研，用幾十個步驟去煮，令我覺得很難。

最後，琴晩都整了，個外表好得，但味道仍需努力！

材料： 帶骨豬扒4 塊 ，隔夜白飯2碗 ，雞蛋2隻 ，洋蔥1個，蘑菇， 番茄， 清雞湯，瑪蘇里拉芝士

醬汁： 番茄醬半罐 ，番茄膏2 湯匙，茄汁2湯匙 ，糖 2 湯匙 ，鹽 1茶匙，胡椒粉少許

1 先將豬扒剁鬆，用生抽2 湯匙，糖1茶匙，酒2茶匙，生粉2茶匙，鹽少許，麻油少許醃

 

 2 將豬扒煎香至9成

3 白飯加蛋炒香

4 將洋蔥炒香半透明，再加入蘑菇和番茄炒，之後倒入醬汁拌入，再加入1杯清雞湯煮滾

5 用炒飯鋪底，放上豬扒，淋上醬汁，表面灑上芝士，用250度將芝士烤至金黃色即可。

 

小牡丹

琴日去完開伊中，跟住去行花墟，天氣好時，見到咁多靚花，心情都好些！

買了小牡丹，今次試下有啲造型，清清地放在書枱，都幾好 feel !

我仲插了兩個造型，這是第一、二天的！

 

第三天，有些花謝了，轉了這個。

 

越南烹飪班 - 香茅燒白蟮

材料 ： 白蟮、香茅、日本燒肉汁、日本鰻魚汁

做法 :

1 將白蟮用鹽、生粉除去潺，再用清水沖洗抹乾，起骨

2 白蟮用魚露少許、黑椒碎、香茅、蒜茸、燒肉汁和鰻魚汁（1：1），醃30 分鐘

3 放入焗爐，以最大火，每邊燒5 分鐘，切件，灑少許味之鹽，即成

 

日本燒肉汁

 

 

日本鰻魚汁

 

 

 

優雅生活計劃 - 文件篇

經歷了幾個星期，左轉右轉，終於今天攪掂了呢個櫃，雖然只是小小的一個雜物櫃，但如果要認真分類，都要花點時間。

將文件分門別類，保險、証書、保証書、說明書等，今次做得好仔細，希望做一次，以後就可長期保存，整整齊齊喇！

越南烹飪班 - 香茅雞中翼

材料 ： 雞中翼1 磅、香茅2條切碎、蒜茸少許

做法：

1 雞翼洗淨，吸乾水，記住要將水份盡量吸乾

2 雞翼用魚露1湯匙，雞粉1 茶匙，沙薑粉半茶匙，砂糖1.5 茶匙、麻油1茶匙生粉、麵粉各1湯匙，後加酒2湯匙，再加入香茅、蒜茸醃兩、三個鐘

3 將雞翼放油半煎炸至金黃色即可。

迪士尼 - Nov 14,13

天氣真是不似預期，前兩天仲下著雨，朝濕又轉凍，琴日卻陽光普照，秋高氣爽，去迪士尼玩，簡直正！心情也一樣，由麻麻地，變了十級開心！

能夠去迪士尼，已經好開心，兩個女又咁岩琴日一齊放假，再加上約埋一班好友，阿婆和阿公，喺入面玩了大半天，真是樂而忙返！

真係好幸運，琴日原來是聖誕亮燈裝飾第一天，好有聖誕氣氛喇！天氣好，心情又好，朋友多 ，所以影了好多相呢！

 

 

 

平日入去既好處，係冇咁多人，大部份遊戲，都不需要排太耐隊，所以，我地都玩了很多遊戲。

我地仲影了好多集體相呀！

其實，我真係好鍾意去迪士尼，一入到去，就好似有份魔法般，令人感到開心快樂，忘卻所有既煩惱呢！

人生乎復可求？有至愛既家人，和一班好朋友，多麼幸福快樂！十分感恩呀！

認真，你就輸

「認真，你就輸！」，呢句話係好多新一代青年人既生活態度，我第一次聽時，我好唔認同，覺得唔係呀！咁都得，吾怪得而家的年青人咁 hea 啦！

不過，漸漸地我開始認同這說話！自問是一個做事認真，樣樣事都上心負責，一係唔做，一做我一定全力以赴，做到最好，聽落好似是我既優點，但其實我覺得是缺點，是壓力、是負擔，或許令到我有情緒病，也是因為這性格！

曾幾何時，我經常駡查生太之油、啲女做事得過且過，但佢地生活得好似比我輕鬆多了！

唉！有時事事認真，以為自己做到就做啦！結果，原來對住某些人，佢既事係不需要太上心，佢自己都唔知想點，思緒混亂，我太過認真，反而有反效果！與她相處幾十年既人，就最清楚用咩方法跟她相處才是最好，儘管，我從不認同，但經過今次，我明白了，我再不會做多餘的事，只會跟隨，而不再加任何意見！即使，做了衰人，只要問心無愧，就算了！

玩樂一週

在家靜靜地过了幾星期，上星期又突然變得節目豐富了！

星期一(11/4)， 好朋友要清假，一早约埋另一位阿太，去High Tea 呢！

想試呢間好耐了， Le Salon 在中環置地廣場 $380  afternoon set for 2, 我地一行三人，叫了個 set ，加多杯野飲，剛剛好！當然太肚餓，就一定唔夠，但 for tea only ，就 just fit ！
 

先來一碟鹹點

 

之後一碟甜品

 

 

 

 

 

我地坐商場出面，自成一各，我地由三點坐到差不多七點先走，呢度傾計真係唔錯呀！

 

星期五（11/8), 约了大少奶和Amy 去 隆濤院飲茶，呢間酒樓在1881入面，我地選了$230 包茶芥點心任食。

 

今次係大少奶話想飲茶，你知啦：大肚婆大哂嘛！佢叫啲野食返來，但見到又話唔想食，於是我同 Amy 唯有係咁食！結果，我地兩個飽到上心口！算！我地比面奶皇飽！哈哈！

 

 

不過，點心味道不是太出色，我覺得香宮好好多！

因為，大肚婆要飲凍檸茶，我地又去了海港城，見到有聖誕燈飾喇，就影下

 

 

 

之後去餐廳飮凍檸茶，傾下傾下到四點，我果晩約了查生在尖沙咀，冇理由又回家，再出返來，所以，同大少奶行完 City Super ，自己再週圍行一陣，之後先去攞位。

其實，想來這裡很耐，Tapagria ，喺 The One 18 樓，係劉嘉玲開果間西班牙酒巴，我6：00  walk in 有位，我選了坐出面，果日雖然幾大風，但好舒服，個 view 好正！

 

 

叫了出名既 Sangria ,對於我地來說係冇咩酒味，但因有好多生果，好清新，飲起來好舒服！

之後，叫了些小食，味道都唔錯！這裡，值得再來！

 

就咁過了一個非常充實既星期五，本來好開心，心情大靚，星期日，仲有QQ 生日會 BBQ 聚會，應該好正，可惜，星期六和某人既事，影響唒心情！