Day 5 ~ 機場 ~ 回港
基本上是沒有行程，我地撘 1:40 班機，我地預了 11:00 就要到機場。
我地一早在酒店食早餐，雖然是 buffet 型式，但預了冇咩嘢食，每位港幣$70，不過，費事出去又行來行去，所以都試一次。
9:30 就 check out , 去返之前撘機場巴士落車個站，撘番 6015號巴士，由於去機場時，巴士要經好幾間明洞酒店上客，所以差不多個半小時才到，幸好我地預多少少時間出發，唔係就呢 hea !
Check in 好，就去附近麵包鋪，用 盡T-money 餘下既錢，買包即食和買了些手信，其實我地都趕趕地架，買完行一陣，都上機了!
自由行到首爾需知:
正如我之前講，自由行去首爾比想像難，不像曼谷、台北那麼易，我覺得比日本更難。
主要原因是:
當地人英文不佳，就算旅遊區也不多人懂流利英語，酒店、商鋪服務員，有些也懂普通話，但也只是得幾句，因此，好難問路。
地鐵線幾複雜，一定要去之前睇下、準備下，如果好似我地咁，實行多路，佢地出錯一 個出口，都會行好遠。
撘巴士更難，成車冇英文指示，只有韓文，除非總站去總站，如果唔係，就要好似我地咁數站。
其實，近幾年韓國風咁勁，越來越多人去，但當地政府好像未 ready , 好多旅遊區都未有好好指示，所以去之前自己要做好準備。
去之前，應 plan 一 plan 行程，將想去既地方名寫底，再上網 check 下個地方名，韓文點叫，print 定出來，以備問路時需要。
不過，經過今次經驗，下次去會好好多喇!
沒有留言:
張貼留言