香草楓樹糖焗春雞

試過用幾種不同既材料去燒雞，今次用香草加楓樹糖去燒，食譜跟 blogger 左髀的。

材料： 春雞、香草、老抽、檸檬汁、黑椒碎、海鹽和楓樹糖

原食譜用Oregano, 但我唔想又買多瓶香草，我用了Rosemary, 再加雜香草代替

做法：

1 春雞解凍後，沖洗乾淨，瀝乾水分，將香草、黑椒碎及海鹽拌勻，將1至2茶匙醃料放入雞胸內搽勻。

2 用少許老抽將雞全身搽勻，將餘下的香草，再加少許檸檬汁，搽勻全身，醃一晚。

3 預熱焗爐200度15分鐘，放上春雞，雞胸向上，焗35分鐘。

4 掃上楓糖，放回焗爐，焗5分鐘，之後雞反轉及掃上楓糖再焗5分鐘即成。

5 剛烤好的雞不要立刻食，先等10分鐘才吃可以令肉汁鎖回肉，更好吃！