繼續韓风,本來煲完星星後，諗住煲繼承者們.不過睇完1集後,比另—套打了尖!
之前睇廣告已知,高清做緊呢套戲，不过個名叫：—代紅顏，張玉貞,好似好娘咁,就冇諗过睇。後來有朋友話,好好睇叫我試下，咁我就開來看看,唉!不得了,第—集已迷上！
其實，我—直喜愛看人物傳記,不過，好多都好長好多集,唔想追,呢套得24集岩哂!
套戲講一個女子叫張玉貞,佢做幫人做衫，啲衫做得好靚，佢好似而家既時装設計師,好多名流官太，都揾佢做衫,非常之出名,之後認識了當時既太子，輾轉入了宫做了禧嬪,在宮內過着鬥爭既生活，最後被人害死的!
呢啲故事，其實都看了很多,不外乎勾心鬥角,爭權逐利,表現出人性既醜陋，但呢套戲除了這些，仲係一個好感人既愛情故事，這是傳記改編的，是真人真事，肅宗係朝鮮好出名既一個皇帝，但佢對張玉貞是一心一意，由少年時已認定了她，為了她不惜一切與朝臣作對，一直守護她，雖然中間曾經懷疑过,傷害过,但最後仍然緊靠—起,只可惜最终張玉貞難逃—死，但他都盡了最大既努力，好少皇帝咁情深，好感動呀！
呢套戲的衫都好靚，好吸引我，我睇呢套戲時睇到我好緊張，見親啲奸人一出，我就好想鬧佢！我睇到好鬼投入，我個人認為呢套仲好睇过星星好多呢!
同意！張玉貞好睇過星星。
回覆刪除尤其係睇住玉貞由一個純真善良既少女，為左得到心愛既殿下，而改變自己，適應宮廷生活，由賤民爬升到中殿，再下台既經歷，真係好刺激好緊張。
題外話：劉亞仁同金泰熙真係好靚仔好靚女！好襯！係劇中既情慾橋段實在睇到我如痴如醉。