黑色暴雨

琴晚原來落好大雨，家姐話成晚又閃電又行雷，成晩嘈到瞓唔到，我就聽唔到喇！只是六點起身，見下雨，就開手機，就知道黑暴，唔洗返學！後來睇新聞至知，琴晚落得咁勁，好多地方水浸，真慘！

今天突然多了一天黑色暴雨假期，學生哥就全日停課，打工仔既就冇咁好彩，十點就取消了黑暴，大家又要趕返工去也，落大雨,水浸又塞車，返工既仲慘過平日。 對於我呢啲全職媽媽，唔洗返學，梗係三母女瞓晏啲啦！

不過小姐唔洗返學，就要預備午餐比佢地，平時一個人，簡單食咩都得，落雨又唔想出街食，見屋企有包韓色年糕，就學琴日肥媽教，煮韓色年糕，加豬頸肉炒，都幾好味！

 
阿妹唔洗返學，就不斷叫悶，到暑假時都唔知點算！

其實，由三月中開始，就斷斷續續落雨，落了差不多兩個月，落到心都煩！希望快些見到陽光啦！